Трампнинг маслаҳатчилари уни Эронга қарши урушдан чиқиш йўлини топишга ундамоқда — The Wall Street Journal
Маслаҳатчилар нефть нархларининг ошиши ва узоқ давом этадиган можаро сиёсий норозиликка сабаб бўлиши мумкинлигидан хавотирда.
АҚШ Президенти Доналд Трампнинг бир нечта маслаҳатчилари сўнгги кунларда унга Эрон билан урушдан чиқиш учун режа ишлаб чиқишни тавсия қилган. Бу ҳақда The Wall Street Journal нашри юқори мартабали Оқ уй вакилларига таяниб, хабар бермоқда.
Қайд этилишича, Эрон билан боғлиқ можароларда иштирок этишни тўхтатиш нефть нархларининг ошиши ва узоқ давом этадиган можаро оқибатида пайдо бўлаётган хавотирлар фонида муҳим ҳисобланади.
Шунингдек, АҚШ маъмуриятининг вакили АҚШ ҳарбий устунликка эга бўлиб турган бир пайтда, Трамп урушни фақат қониқарли ғалабага эришсагина тўхтатиши мумкинлигини маълум қилган.
“Трамп Эроннинг АҚШ ва Исроилнинг тинимсиз қўшма ҳарбий кампаниясига қарамай таслим бўлмаётганидан ҳайратда қолмоқда,” — дея қўшимча қилган мансабдор.
