Эрон Яқин Шарқдаги АҚШ ва Исроилга тегишли йирик банкларга ҳужум қилиши мумкин
Эрон ҳарбий штаби раҳбари Яқин Шарқ мамлакатлари аҳолисига ушбу объектлардан бир километр узоқроқда бўлишни маслаҳат берди.
Эрон банкига қилинган ҳужумдан кейин мамлакат ҳарбий штаби раҳбари Яқин Шарқдаги АҚШ ва Исроилга тегишли иқтисодий марказлар ва банкларга зарба берилиши мумкинлигини маълум қилди. Бу ҳақда Tasnim ахборот агентлигига таяниб Al Jazeera хабар бермоқда.
Агентлик маълумотига кўра, рўйхатга киритилган объектлар орасида Google, Microsoft, Palantir, IBM, Nvidia ва Oracle компанияларига тегишли офислар ҳам бор. Булут хизматлари инфратузилмаси Исроилнинг бир неча шаҳарларида ва баъзи Форс кўрфази давлатларида жойлашган.
Ислом инқилоби қўриқчилари корпуси Хатам ал-Анбия штаби вакили ҳудуд аҳолиси банклардан камида бир километр масофада туриши кераклигини огоҳлантирди.
“Америкаликлар бизнинг оғриқли жавоб чораларимизни кутиши лозим” — дея қўшимча қилди вакил.
Эрон расмийлари баёнотига кўра, АҚШ ва Исроил уруш бошлангандан бери мамлакатдаги 10 000 дан ортиқ фуқаролик объектларига ҳужум қилинган ва 1 300 дан ортиқ тинч аҳолини ўлдирилган.
