Мужтабо Хоманаийнинг оёғи сингани ва енгил жароҳатлар олгани маълум бўлди
Эрон расмийси янги олий раҳнамонинг жароҳат олганини тасдиқлади.
Эроннинг янги тайинланган олий раҳбари Мужтабо Хоманаий енгил жароҳат олган бўлса-да, фаолиятини давом эттирмоқда. Бу ҳақда чоршанба куни Эрон расмийсига таяниб, Reuters хабар бермоқда.
Аввалроқ Эрон давлат телевидениеси уни Рамазон урушида жароҳат олган фахрий (жаанбаз), деб таърифлаган эди.
Хоманаий якшанба куни Экспертлар ассамблеяси томонидан раҳбар этиб сайланганидан буён омма олдида чиқиш қилмаган. Шу сабабли янги олий раҳбарнинг Исроил ва АҚШ зарбалари вақтида жароҳат олгани ҳақидаги миш-мишлар тарқалганди.
CNN манбаси 56 ёшли Хоманаий оёғидан жароҳат олганини, чап кўзи атрофида кўкаришлар ва юзида майда шилинишлар борлигини билдирган.
Эрон расмийси Мужтабо Хоманаийнинг қачон жароҳат олгани ёки нима сабабдан тайинланганидан буён жамоатчиликка мурожаат қилмагани ҳақида батафсил маълумот бермади.
Эрон давлат телевидениеси хабарига кўра, 28 февраль куни берилган зарбаларда Мужтабо Хоманаийнинг отаси Али Хоманаийдан ташқари унинг онаси, синглиси ва рафиқаси ҳам ҳалок бўлган.
