Ангренда вояга етмаган қизни зўрлаган 4 шахс 7–12 йилга қамалди

Жиноят ишлари бўйича Ангрен шаҳар судида вояга етмаган қизга нисбатан зўравонлик содир этилган жиноят иши кўриб чиқилди ва ҳукм эълон қилинди. Бу ҳақда Олий суд ахборот хизмати хабар берди.

 

Суд жараёнида С.Қ. (2006 йилда туғилган), З.У. (2004 йилда туғилган), Д.Ў. (2004 йилда туғилган) ва А.У. (2003 йилда туғилган) вояга етмаган С.Й. (2010 йилда туғилган)га нисбатан содир этилган жиноятлар бўйича айбли деб топилди.

 

Жиноят-протцессуал кодексининг 19-моддасига мувофиқ иш ёпиқ суд мажлисида кўриб чиқилган.

 

Эълон қилинган ҳукмига кўра:

С.Қ. (жиноят содир этилган вақтда вояга етмаган) – Жиноят кодекси 118-моддаси 3-қисми “а” банди бўйича 10 йил озодликдан маҳрум қилинди.

 

З.У. – 118-модда 3-қисми “а” банди, 119-модда 3-қисми “а” банди, шунингдек 28,118 ва 28,119-моддалари бўйича 12 йил озодликдан маҳрум қилинди.

 

Д.Ў. – 118 ва 119-моддалар бўйича 10 йил 6 ой озодликдан маҳрум қилинди.

А.У. (II гуруҳ ногирони) – 118 ва 119-моддалар бўйича 7 йил 6 ой озодликдан маҳрум қилинди.

 

Қайд этилишича, биринчи инстанция судининг ҳукми устидан тарафлар қонунига мувофиқ белгиланган тартиб ва муддатда Тошкент вилояти судига апелляция ёки кассатсия инстанциясига шикоят бериш ва протест киритиш ҳуқуқига эга.

 

Мазкур воқеа 2025 йил апрел ойида ижтимоий тармоқларда Ангрен шаҳрида вояга етмаган қизга нисбатан зўравонлик содир этилгани ҳақида хабарлар тарқалгандан сўнг жамоатчилик эътиборига тушган эди. Ҳолат юзасидан 9 апрел куни Ангрен шаҳар ИИБ томонидан жиноят иши қўзғатилган ва тергов ҳаракатлари олиб борилган.