АҚШ Эронга қарши ҳужумлар давомида йиллик ўқ-дори захираларининг катта қисмини сарфлади — FT
Ҳужумнинг дастлабки 100 соатида Қўшма Штатлар 168 та Tomahawk ракетасидан фойдаланган.
Financial Times нашри вазиятдан хабардор манбаларга таяниб хабар беришича, АҚШ томонидан Эронга қарши амалга оширилаётган ҳарбий операциялар давомида йиллар давомида режалаштирилган муҳим ўқ-дори захираларининг катта қисми сарфлаб юборилган.
Хабарга кўра, бу асосан узоқ масофага мўлжалланган Tomahawk қанотли ракеталарига тааллуқли. Стратегик ва халқаро тадқиқотлар маркази (CSIS) ҳисоб-китобларига кўра, Яқин Шарқдаги урушнинг дастлабки 100 соати давомида АҚШ камида 168 та Tomahawk ракетасидан фойдаланган. Муттахассисларнинг таъкидлашича, бу жуда катта миқдор бўлиб, мавжуд захираларни тўлдириш учун бир неча йил талаб қилиши мумкин.
Нашрга интервью берган АҚШ конгрессменларидан бири бу миқдордаги ракета сарфи жуда юқори эканини қайд этиб, бундай захираларни қайта тиклаш узоқ вақт талаб этишини таъкидлаган.
Шунингдек, Пентагон яқин кунларда Оқ уй ва АҚШ Конгрессига қўшимча ҳарбий харажатлар учун 50 миллиард доллар миқдорида маблағ ажратиш бўйича расмий сўров юбориши мумкин.
Маълумотларга кўра, Дональд Трамп маъмурияти Эрон билан урушнинг дастлабки олти куни камида 11,3 миллиард долларга тушганини тахмин қилмоқда.
