Исроилда қишлоққа ракета зарбаси берилиши оқибатида 50 дан ортиқ киши жароҳатланди
Исроил Мудофаа Армияси Эрон томонидан Исроил ҳудудига навбатдаги ракета ҳужумлари йўналтирилганини маълум қилди.
Шимолий Исроилдаги Назарет шаҳри яқинида жойлашган Зарзир қишлоғи ракета зарбасига учради. Бу ҳақда BBC хабар бермоқда.
Маълумотларга кўра, жума куни эрта тонгда юз берган ҳужум натижасида ўнлаб одамлар жабрланган. Ҳужумдан сўнг тиббиёт ходимлари 58 жабрланувчига ёрдам кўрсатиб, уларни шифохоналарга етказган.
Исроил ҳарбийлари ҳодиса жойига таъминот қўмондонлиги ходимларини юборганини маълум қилди. Улар “фавқулодда ва қутқарув хизматлари билан ҳамкорликда ҳодиса жойида вазиятни баҳолаш” ишларини олиб бормоқда.
Шунингдек, Исроил Мудофаа Армияси Эрон томонидан Исроил ҳудудига йўналтирилган янги ракеталар кузатилганини маълум қилди.
