Ўзбекистонда бир йил ичида ҳокимнинг 252 ёрдамчиси жиноий жавобгарликка тортилди
Судлар мансабдор шахслар иштирокидаги 153 та жиноят ишини кўриб чиқди.
Ўзбекистонда ўтган йил давомида 252 нафар ҳоким ёрдамчиси коррупция билан боғлиқ жиноятлар учун жиноий жавобгарликка тортилди. Бу ҳақда Коррупцияга қарши кураш агентлиги маълум қилди.
Маълумотларга кўра, ҳисобот даврида судлар томонидан мансабдор шахслар иштирокидаги жами 153 та жиноят иши кўриб чиқилган. Ушбу ишлар доирасида турли лавозимларда фаолият юритган ҳоким ёрдамчиларининг коррупцияга оид қонунбузарликлари аниқланган.
Агентлик таъкидлашича, ҳоким ёрдамчилари фаолияти устидан доимий мониторинг олиб борилмоқда. Бу жараён ҳудудларда юзага келиши мумкин бўлган қуйи даражадаги коррупция хавфларини аниқлаш ҳамда уларнинг фаолиятида шаффофликни таъминлашга қаратилган.
Суд қарорларига кўра, айбдор деб топилган шахсларга нисбатан турли жазо чоралар қўлланилган.
Жумладан, 37 нафар шахс озодликдан маҳрум қилиш жазосига ҳукм қилинган, 38 нафара озодликни чеклаш жазоси тайинланган. Энг кўп қўлланган жазо тури ахлоқ тузатиш ишлари бўлиб, 160 нафар шахсга нисбатан ушбу чора қўлланган. Шунингдек, 12 нафар судланган шахс жаримага торилган, яна 5 нафара бошқа турдаги жазолар тайинланган.
Мутахассисларга кўра, бундай чоралар ҳудудларда коррупция ҳолатларининг олдини олиш ҳамда давлат хизматида қонунийлик ва очиқликни таъминлашга қаратилган.
