АҚШ Эроннинг юқори мартабали амалдорлари ҳақидаги маълумотлар учун 10 млн доллар мукофот ваъда қилди
Қўшма Штатлар Эроннинг муҳим 10 нафар амалдори ҳақида маълумот олишни мақсад қилган.
АҚШ Давлат департаментига қарашли Rewards for Justice Program сайтида эълон қилинган маълумотга кўра, АҚШ Эроннинг Ислом инқилоби қўриқчилари корпуси ва унинг таркибий тузилмалари раҳбарлари ҳақида маълумот изламоқда. Бу ҳақда ABC News хабар берди.
Дастур доирасида 10 нафар амалдор ҳақида ахборот тўплаш мақсад қилинган. Улар орасида Эрон олий раҳбари Мужтабо Хоманаий, Олий раҳбар идораси штаби бошлиғи ўринбосари Али Асқар Ҳезажи ҳамда разведка ва хавфсизлик вазири Исмоил Хатиб бор.
Шунингдек, АҚШ Мудофаа кенгаши котиби, Ислом инқилоби қўриқчилари корпуси қўмондони ва олий раҳбар маслаҳатчиси каби муҳим лавозимларни эгаллаган, аммо номи очиқланмаган шахслар ҳақида ҳам маълумот қидирмоқда.
Маълумот берган шахсларга 10 миллион долларгача мукофот берилиши мумкин.
