Қатарда қолиб кетган ўзбекистонликларнинг сўнгги гуруҳи ватанига қайтди
96 нафар фуқаро Доҳадан Дубай орқали Тошкентга олиб келинди.
Қатар ҳаво ҳудудининг ёпилиши сабаб у ерда қолиб кетган ўзбекистонлик фуқароларнинг сўнгги гуруҳи ватанига қайтди. Эвакуация жараёни Ўзбекистоннинг Қатардaги элчихонаси томонидан ташкил этилган. Бу ҳақда Dunyo ахборот агентлиги хабар берди.
Агентлик маълумотларига кўра, 13–14 март кунлари 96 нафар фуқаро Доха шаҳридан Дубайга автобус орқали борган ва у ердан Тошкентга самолётда учиб келган. Дипломатик миссия ходимлари автобус хавфсизлигини таъминлаш мақсадида уни чегарагача кузатиб борган.
Маълум қилинишича, эвакуация жараёнида Қатардан жами 548 нафар Ўзбекистон фуқароси, жумладан сайёҳлар, талабалар ҳамда вақтинчалик иш фаолияти билан келган шахслар олиб чиқилган.
Эвакуация зарурати Қатар 28 феврал куни Исроил, АҚШ ва Эрон орасидаги қўролли тўқнашувлар сабаб ҳаво ҳудудини ёпганидан сўнг юзага келган. Натижада Хамад халқаро аэропорти фаолияти вақтинча тўхтатилган ва тахминан 2000 га яқин рейс бекор қилинган.
