Эрон АҚШ билан келишув тузишни истамоқда — Трамп
Трамп айрим ОАВларни ҳарбий ҳаракатларни тўлиқ ёритмаётганлигини танқид қилди.
Дональд Трамп Эрон расмийлари АҚШ билан тинчлик келишуви тузишга тайёр эканини, бироқ таклиф этилаётган шартлар Вашингтонни қониқтирмаётганини маълум қилди. Бу ҳақда у Truth Social ижтимоий тармоғидаги саҳифасида ёзиб қолдирган.
АҚШ президенти ўз баёнотида айрим оммавий ахборот воситаларини танқид қилиб, уларнинг АҚШ қуролли кучларининг Эронга қарши олиб бораётган ҳарбий ҳаракатлари ҳақида етарлича хабар бермаётганини таъкидлаган.
«Ёлғончи ОАВ АҚШ қуролли кучларининг Эронга қарши қанчалик муваффақиятли ҳаракат қилаётганини ёритишни истамаяпти. Эрон тўлиқ тор-мор этилган ва келишув тузишни хоҳлайди, бироқ мен рози бўладиган даражадаги шартлар билан эмас», — деб ёзган Трамп.
Эслатиб ўтамиз, 28 феврал куни АҚШ ва Исроил Эрон ҳудудига қарши ҳарбий операция бошлаган эди. Зарбалaр остида Эроннинг йирик шаҳарлари, жумладан, Теҳрон ҳам қолган.
