Эрон билан уруш мен уни якунланишини ҳис қилганимда тугайди — Доналд Трамп
АҚШ президенти Эрон билан урушнинг аниқ тугаш муддатини белгиламади.
Жума куни Fox News билан суҳбатда Трамп можаронинг яқин вақт ичида тугашини кутаётганини айтган, лекин зарурат бўлса, уруш чексиз давом этиши ҳам мумкинлигини қўшимча қилган. Президент АҚШда ўқ-дорилар етишмаслиги ҳақидаги хабарларни инкор этган.
Шунингдек, бошқа баёнотларидаТрамп: “Мен ҳозир юмшоқ йўл тутяпман. Агар хоҳласам, бир соат ичида Эронни йўқ қилиб юборишим мумкин. Эрон давлат сифатида ҳеч қачон қайта тиклана олмаслиги мумкин”, — деган.
Қўшма Штатлар президенти Эронда кимдир норозилик билдирмоқчи бўлса, ҳукумати уларни пулемёт билан отиб ташлашини ҳам қўшимча қилган.
