Эрон юанда савдо қилиш шарти билан Ҳўрмуз бўғозидан нефт танкерларини ўтказиши мумкин
Жаҳонда нефт савдоси АҚШ долларида амалга оширилади. Фақатгина санкцияларга учраган Россия нефти савдосида рубл ёки Хитой юани ишлатилади.
Юқори мартабали амалдорнинг CNN'га маълум қилишича, Эрон Ҳўрмуз бўғози орқали чекланган нефт танкерларига ўтиш рухсатини беришни кўриб чиқмоқда, аммо бу учун нефт савдоси Хитой юанида қилиниши кераклигини шарт қилиб қўймоқда.
Эрон Ҳўрмуз бўғози орқали нефт танкерларининг оқимини бошқариш бўйича янги режани ишлаб чиқаётгани фонида мазкур қарор қабул қилиниши мумкин.
Жаҳонда нефт савдоси АҚШ долларида амалга оширилади. Фақатгина санкцияларга учраган Россия нефти савдосида рубль ёки Хитой юани ишлатилади.
Маълумотларга кўра, дунёнинг энергия оқими учун муҳим артерия ҳисобланган Ҳўрмуз бўғози билан боғлиқ хавотирлар нефть нархини 2022 йил июлидан бери энг юқори даражага олиб чиқди (Россиянинг Украинага босқини ортидан кузатилган ёз фасли).
Шунингдек, Бирлашган Миллатлар Ташкилоти жума куни бўғоз орқали кемаларнинг ҳаракати чекланса, бу урушлар бўлаётган бир пайтда инсонпарварлик ҳаракатларига катта таъсир кўрсатишидан огоҳлантирди.
БМТ Инсонпарварлик ишлари бўйича котиби Том Флетчер: “Кемалар бўғоз орқали ҳаракат қилишни тўхтатганда, озиқ-овқат, дорилар ва бошқа маҳсулотларни етказиб бериш қийинлашади ва қимматлашади”, — деди.
