Фарғонада солиқдан қарздор заправка хатланди
Маълум бўлишича, шохобча 143 млн солиқ қарзини тўламаган.
Мажбурий ижро бюросининг Ёзёвон туман бўлими томонидан иш юритувида бўлган солиқ қарздорликларини ундиришга қаратилган ижро ҳужжатлари юзасидан мажбурий ижро ҳаракатлари изчил амалга ошириб келинмоқда.
Жумладан, бўлим иш юритувида мавжуд қарздор “OL” МЧЖдан 143 миллион сўм миқдоридаги солиқ қарзини ундириш тўғрисидаги ижро ҳужжатлари бўйича тегишли чоралар кўрилди.
Қарздор жамият раҳбари бир неча маротаба огоҳлантирилиши ва қонуний тушунтиришлар берилганига қарамасдан солиқ қарздорлигини ихтиёрий равишда тўламаган.
Шу сабабли, вилоят солиқ органлари ходимлари билан ҳамкорликда қарздор жамиятга тегишли бўлган автомобильларга бензин ёқилғиси қуйиш шохобчаси (АЁҚШ) аниқланиб, белгиланган тартибда хатланди.
Маълум қилинишича, агар қарздорлик белгиланган муддатларда қопланмаса, ушбу мулк қонунчиликка мувофиқ реализация қилиниши мумкин.
