Хоразмда ота фарзандларига 174 млн алимент тўлади

Фуқаролик ишлари бўйича Шовот туманлараро судининг 26.05.2022 йилдаги суд буйруғига кўра, қарздор М.Ждан ундирувчи М.Ш. фойдасига икки нафар фарзандининг таъминоти учун қарздорнинг ҳар ойдаги жами даромадининг 1/3 қисми миқдорида болалар вояга етгунга қадар алимент ундириш белгиланган.

 

Қарздор М.Ж. Бюронинг Қўшкўпир тумани бўлимига келиб ихтиёрий равишда фарзандлари учун беш йиллик алимент пулларини олдиндан тўлаб беришни билдирган.

 

Давлат ижрочисининг “олдиндан тўланадиган алимент суммасини ҳисоб-китоб қилиш тўғрисида”ги қарорига кўра, қарздор М.Ж.нинг муддатидан олдин алимент тўловлари 01.01.2026 йилдан 31.12.2030 йилгача бўлган давр учун жами 174.258.165 сўмни ташкил қилган.

 

Суднинг 30.01.2026 йил кунги “Ижро ҳужжатини ижро этиш усули ва тартибини ўзгартириш ҳақида”ги ажрими билан қарздор М.Ж.дан ундирувчи М.Ш. фойдасига 01.01.2026 йилдан 31.12.2030 йилгача бўлган давр учун жами 174.258.165 сўм ундириш белгиланган бўлиб, давлат ижрочиси томонидан амалга оширилган ижро ҳаракатлари ва томонлар билан олиб борилган тушунтириш ишлари натижасида қарздордан 174.258.165 сўм алимент пуллари ундирилиб, ундирувчининг банк пластик картасига ўтказиб берилиши таъминланган.