Эронга қарши операция бир неча ҳафта ичида тугаши мумкин
АҚШ Энергетика вазири можаро тез орада якунланиши кутилаётганини маълум қилди.
АҚШ энергетика вазири Эронга қарши олиб борилаётган ҳарбий операция бир неча ҳафта ичида якунланиши мумкинлигини маълум қилди. Бу ҳақда у ABC News телеканалига берган интервьюсида айтиб ўтган.
Вазирнинг таъкидлашича, можаро тез орада якунланиши кутилмоқда.
“Менимча, можаро келгуси ҳафталарда албатта тугайди. Бу ҳатто ундан ҳам тезроқ содир бўлиши мумкин, бироқ умумий ҳисобда операция яқин бир неча ҳафта ичида якунланиши керак”, — деган вазир.
Унинг қўшимча қилишича, ушбу давр ичида америкаликлар энергия бозоридаги ўзгаришларни, жумладан ёқилғи нархларининг пасайишини кутишлари мумкин. Бироқ вазир бундай натижа юз беришига кафолат йўқлигини ҳам таъкидлаган.
“Урушда ҳеч қандай кафолат бўлмайди. Баъзан яхши натижага эришиш учун қисқа муддатли қийинчиликларга чидашга тўғри келади”, — дея изоҳ берган вазир.
Шу билан бирга, Исроил Мудофаа кучлари (IDF) расмий вакили Эффи Дефрин CNN телеканалига берган интервьюсида Исроил ҳарбийлари Эронга қарши операцияларни камида уч ҳафта давом эттиришни режалаштираётганини маълум қилган.
