Аҳрор Бурҳонов Вашингтонда Ўзбекистоннинг илк бош консули бўлди
У сўнгги уч йил давомида Ўзбекистон ташқи ишлар вазирининг матбуот котиби сифатида ишлаб келган.
Аҳрор Бурҳонов АҚШнинг Вашингтон штатида Ўзбекистоннинг илк бош консули сифатида дипломатик фаолиятини бошлади. У бу ҳақда ижтимоий тармоқлардаги саҳифаси орқали маълум қилди.
Аброр Бурҳонов сўнгги уч йил давомида Ўзбекистон ташқи ишлар вазирининг матбуот котиби сифатида фаолият юритган ва янги дипломатик вазифани бошлаётганини айтган. Бурҳонов ўз мурожаатида биргаликда амалга оширилган ташаббуслар ва лойиҳалар учун устозлари, ҳамкасблари ва барча шерикларга миннатдорлик билдирган.
Янги лавозимида у Вашингтон штатида Ўзбекистон фуқаролари манфаатларини ҳимоя қилиш, иқтисодий ва маданий ҳамкорликни ривожлантириш ҳамда икки томонлама алоқаларни мустаҳкамлашга қаратилган дипломатик фаолият олиб боради.
Вашингтон штатида Ўзбекистон бош консуллигини ташкил этиш АҚШнинг ғарбий соҳилидаги ҳудудлар билан ҳамкорликни кенгайтириш, инвестиция ва бизнес алоқаларини ривожлантириш ҳамда ўзбекистонлик фуқароларга консуллик хизматларини янада яқинлаштиришга хизмат қилади.
