Ҳаво ҳудуди қисман ёпилиши сабаб Тошкентдан Дубайга учган рейслар қайтарилди
Аввалроқ 14 мартдан Тошкент — Дубай — Тошкент йўналиши бўйича қатновлар тикланиши маълум қилинган эди.
Бирлашган Араб Амирликлари ҳаво ҳудудининг қисман ёпилиши муносабати билан Тошкентдан Дубайга учган рейслар жўнаш аэропортига қайтаётгани айтилмоқда.
Маълумотларга кўра, “Centrum Air” авиакомпаниясининг Тошкент – Дубай йўналиши бўйича C6-351 рейси Тошкент халқаро аэропортига қайтмоқда.
Шунингдек, “Uzbekistan Airways” авиакомпаниясининг Тошкент – Дубай йўналиши бўйича HY-333 рейси ҳам жўнаб кетиш аэропортига қайтаётгани маълум қилинган.
"Centrum Air" авиакомпанияси 14 мартдан Тошкент — Дубай — Тошкент йўналиши бўйича қатновлар тикланишини маълум қилган эди.
