Можтабо Хоманаий марҳум отаси томонидан тайинланган амалдорларни лавозимида қолдирди
Фармонга кўра, улар ишларини давом эттириб, марҳум Али Хоманаийдан олган кўрсатмаларига амал қилиши лозим.
Эроннинг янги Олий Раҳбари Мужтабо Хоманаий марҳум отаси Али Хоманаий томонидан тайинланган барча мансабдор шахслар ўз лавозимларида қолишлари ва ўз вазифаларини бажаришда давом этишлари тўғрисида фармон чиқарди.
Фармон матнида таъкидланишича:
“Айрим муассасалар раҳбарлари ва амалдорларнинг тўғридан-тўғри тайинланган илтимосига жавобан, мен шуни эълон қиламанки, ҳозирда уларнинг ҳеч бири қайта тайинлашни тасдиқлашни талаб қилмайди ва улар бу буюк инсоннинг ҳаёти давомида олган кўрсатмаларига асосланиб ишларини давом эттиришлари керак.”
Фармон Эроннинг янги Олий Раҳбарининг расмий Telegram каналида эълон қилинган. Шу орқали Хоманаий амалдорлар ва муассасалар раҳбарларига улкан ишонч билдирганини таъкидлаган ва давлат идоралари фаолиятининг узлуксиз давом этишини кафолатлашга чақирган.
