Нетаняхунинг ўлими рад этувчи видео сунъий интеллект ёрдамида яратилган
Видеода қаҳва идишидаги суюқлик ҳаракат қилмаган ва миқдори камаймаган.
Эроннинг Tasnim ахборот агентлиги хабар берганидек, Исроил Бош вазири Биньямин Нетаняху ўлими ҳақидаги миш-мишлар фонида эълон қилинган видео сунъий интеллект ёрдамида тайёрланган бўлиши мумкин.
Видеода Нетаняху мамлакатдаги кафелардан бирида қаҳва ичиб, турли саволларга жавоб бераётгани кўринади. Шу билан бирга, интернет фойдаланувчилари видеода бир нечта шубҳали тафсилотлар мавжудлигини таъкидламоқда.
Масалан, Нетаняху қаҳвани ичаётгандек кўринганда ҳам қаҳва идишидаги суюқлик ҳаракат қилмайди ва миқдори камаймайди.
Видеодаги Бош вазирнинг юз кўриниши унинг ҳақиқий суратларидан фарқ қилади.
Кадрлар ва тафсилотлар айрим фойдаланувчилар томонидан сунъий интеллект орқали яратилганига шубҳа уйғотади.
Сўнгги кунларда Эроннинг ракета ҳужумлари фонида Нетаняхунинг ҳалок бўлган ёки жароҳат олганлиги ҳақидаги миш-мишлар ижтимоий тармоқлар ва айрим оммавий ахборот воситаларида кенг муҳокама қилинмоқда. Шу сабабли Нетаняху ўзи янги видео орқали тириклигини кўрсатиб, миш-мишларни рад қилди.
Шунингдек, айрим сунъий интеллектни аниқлаш илoвалари Нетаняху жойлаштирган видеонинг 96,9 фоизи сунъий интеллект томонидан яратилганини ва ҳақиқий эмаслигини даъво қилмоқда. Видеодаги бошқа тафсилотлар, масалан, кафедаги касса аппарати экрани ва ундаги сана (2024 йил 15 март), фойдаланувчилар орасида қўшимча мунозараларга сабаб бўлган.
