Ўзбекистоннинг 9 вилоятида сел хавфи эълон қилинди
Ёмғир сувлари баъзи ҳудудларда сув тошишига олиб келиши мумкин.
Ўзгидромет хабарига кўра, 18–19 март кунлари Ўзбекистоннинг тоғолди ва тоғли ҳудудларида сел оқими ва сув тошқинлари кутилмоқда. Шу муносабат билан аҳоли, дам олувчилар ва тоғли ҳудудларда ҳаракатланаётган ҳайдовчилардан эҳтиёт чораларини кўриш тавсия қилинади.
Тошқинлар қуйидаги ҳудудларда юзага келиши мумкин:
Қашқадарё вилояти: Яккабоғ, Деҳқонобод, Чироқчи, Китоб, Шаҳрисабз, Қамаши, Ғузор туманлари
Сурхондарё вилояти: Сариосиё, Узун, Олтинсой, Денов, Бойсун, Шеробод, Шўрчи, Қумқўрғон, Музробот туманлари
Самарқанд вилояти: Ургут, Самарқанд, Булунғур, Нуробод, Қўшработ, Каттақўрғон, Пайариқ, Жомбой, Истиҳон туманлари
Навоий вилояти: Хатирчи, Навбахор, Нурота, Қонимех, Кармана туманлари
Жиззах вилояти: Зомин, Бахмал, Ғаллаорол, Шароф Рашидов, Фориш, Янгиобод туманлари
Тошкент вилояти: Оҳангарон, Бўстонлиқ, Паркент, Пискент, Ўртачирчиқ, Юқоричирчиқ туманлари; Ангрен ва Олмалиқ шаҳарлари
Наманган вилояти: Поп, Косонсой, Чортоқ, Чуст, Наманган, Янгиқўрғон туманлари
Фарғона вилояти: Сўх, Шоҳимардон, Фарғона, Бешариқ туманлари
Андижон вилояти: Андижон, Асакa, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманлари ва Хонабод шаҳри
Тоғ олди ва тоғли ҳудудларда истиқомат қилувчи фуқаролар, дам олувчилар ҳамда ҳайдовчилардан эҳтиёткорлик чораларини кўриш сўралди.
Республика ҳудудларида ёмғир сувлари тўпланиши эҳтимоли бор, бу эса ҳудудларни сув босишига олиб келиши мумкин.
