Эрон Олий раҳбари АҚШнинг музокара таклифини рад этди — Reuters
Сулҳ таклифи Эронга икки воситачи давлат орқали етказилган.
Reuters агентлиги хабарига кўра, Мужтабо Хоманаий АҚШ томонидан можарони юмшатиш ёки сулҳга эришиш бўйича берилган таклифларни рад этган.
Манбага кўра, Эронга ушбу таклиф икки воситачи давлат орқали етказилган. Исми ошкор этилмаган эронлик расмий вакилнинг таъкидлашича, таклиф АҚШ билан кескинликни камайтириш ёки музокараларни бошлаш имкониятини ўз ичига олган.
Агентлик маълумотига кўра, ташқи сиёсатга бағишланган илк учрашувлардан бирида Мужтабо Хоманаийнинг АҚШ ва Исроилга нисбатан позицияси “жуда қатъий ва жиддий” экани таъкидланган.
Шу билан бирга, учрашувда Хоманаий шахсан иштирок этган ёки этмагани аниқ эмас.
Reuters қайд этишича, воситачилар орқали етказилган таклиф Эрон ва АҚШ ўртасидаги кескинликни пасайтириш ҳамда эҳтимолий келишув имкониятларини муҳокама қилишга қаратилган эди.
