Ўрта ер денгизида экипажсиз сузиб кетаётган Россия газ ташувчиси экологиягa хавф туғдирмоқда
“Арктик Метагаз” кемаси Малта ҳудудий сувларига яқин жойда Украинанинг дрон-катерлари томонидан ҳужумга учраган.
Италия, Франция ва яна етти давлат Эврокомиссияга мактуб юбориб, Ўрта эр денгизида экипажсиз сузиб кетаётган “Арктик Метагаз” газ ташувчи кемаси атроф-муҳит ва денгиз хавфсизлиги учун жиддий таҳдид солиши мумкинлигини огоҳлантирди. Давлатлар тезкор чоралар кўришга чақирди.
Россия ТИВ баёнотида кема билан боғлиқ вазиятни ҳал қилишда қирғоқбўйи давлатлар масъул эканлигини билдирди.
Расмий маълумотга кўра, 3 март куни Мурманскдан йўл олган “Арктик Метагаз” Малта ҳудудий сувларига яқин жойда Украинанинг украиналик дрон-катерлари томонидан ҳужумга учраган. Кема экипажи уни тарк этган пайтда танкларда ёнилғи ва катта миқдорда табиий газ қолган.
Ҳозирда кема Ўрта эр денгизида экипажсиз сузиб кетмоқда, жиддий зарар кўрган бўлиб, унда ёнғин кузатилмоқда. Малта расмийлари бир неча кун давомида сузиб кетаётган кеманинг бошқа кемалар учун хавф туғдириши мумкинлиги ҳақида огоҳлантириб келмоқда.
