Тошкентда “Ақлли бекатлар” ўрнатилади
Янги бекатларда имконияти чекланган фуқаролар учун махсус кутиш жойи ташкил этилади, йўловчилар учун қулайликлар кенгайтирилади.
Тошкент шаҳрида жамоат транспорти тизимини замонавий ва қулай қилиш мақсадида “Ақлли бекатлар” ўрнатиш бошланади. Бу ҳақда Тошкент шаҳрида Йўл ҳаракатини ташкил этиш маркази хабар берди.
Маълум қилинишича, инновацион бекатларда хавфсизлик ва қулайлик биринчи ўринда бўлади. Имконияти чекланган фуқаролар учун махсус кутиш жойи ташкил этилади.
Шунингдек, ҳар бир бекат марказлашган кузатув тизимига уланган 2 та видеокамера билан жиҳозланади. Фавқулодда ҳолатлар учун “SOS” тугмаси ўрнатилади.
Бундан ташқари бекатларда автобуслар ҳаракат жадвалини кўрсатувчи электрон мониторлар, тезкор харидлар учун вендинг қурилмалари ҳам ўрнатилади.
