Ўзбекистон ҳудудидаги гидроэлектр станциялар сони 100 тадан ошди
Гидроэлектр станцияларда ишлаб чиқариш қуввати 800 мегаваттга оширилиб, умумий қувват 2 400 мегаваттга етказилди.
Ўзбекистон Республикаси Президент Администрацияси ҳузуридаги Оммавий ахборот воситалари учун контент тайёрлаш марказида “Ўзбекгидроэнерго” АЖнинг 2025 йил асосий натижалари ва янги истиқболли лойиҳалари бўйича матбуот анжумани ўтказилди.
Тадбирда Жамият бошқаруви раҳбарияти, ижро аппарати департамент, бошқарма ва бўлим бошлиқлари, масъул мутахассислар, шунингдек, телевидение, радио, босма ва электрон ОАВ ҳамда хорижий оммавий ахборот воситалари вакиллари иштирок этди.
Маълум қилинишича, Жамият ташкил этилган вақтида республикада жами қуввати 1 604 мегаватт бўлган 36 та гидроэлектр станция фаолият юритар эди. Сўнгги йилларда амалга оширилган инвестиция лойиҳалари натижасида ишлаб чиқариш қуввати 800 мегаваттга оширилиб, умумий қувват 2 400 мегаваттга етказилди.
Ҳозирги кунда эса Ўзбекистон ҳудудидаги гидроэлектр станциялар сони 100 тадан ошди.
