Рамазон ойининг 29 кун бўлиши табиий ҳолат — Фатво маркази
Бу ой ҳаракатига асосланган ҳижрий-қамарий тақвим билан боғлиқ ва рўза савобига таъсир қилмайди.
Ўзбекистон мусулмонлари идораси Фатво маркази маълумотига кўра, Рамазон ойининг айрим йилларда 29 кун давом этиши табиий ҳолат бўлиб, ҳижрий-қамарий тақвимнинг хусусияти билан боғлиқ.
Қайд этилишича, ҳижрий-қамарий тақвим Ой ҳаракатига асосланган бўлиб, янги ҳилол кўринганидан кейинги кун янги ойнинг биринчи куни ҳисобланади. Шу сабабли қамарий ойлар 29 ёки 30 кундан иборат бўлади, йил эса 354 ёки 355 кунни ташкил этади.
Мутахассислар таъкидича, Рамазоннинг 29 ёки 30 кун бўлиши унинг савобига таъсир қилмайди ва тўлиқ ой ҳисобланади.
Пайғамбар Муҳаммад (соллаллоҳу алайҳи васаллам) Мадинада тўққиз йил Рамазон рўзасини тутган бўлиб, уларнинг аксариятида рўза 29 кун, айрим йилларда эса 30 кун давом этган.
Эслатиб ўтамиз, Ўзбекистонда Рамазон ҳайити 20 март куни нишонланади, бу Президент Шавкат Мирзиёевнинг «Муборак Рамазон ҳайитини нишонлаш тўғрисида»ги қароридa белгиланган.
