Ўзбекистон 19 мартдан БААга авиаташувларни қайта тиклайди
Бекор қилинган чипталар бепул қайта расмийлаштирилади.
Uzbekistan Airways маълум қилишича, 19 мартдан бошлаб Ўзбекистон ва Бирлашган Араб Амирликлари ўртасидаги авиаташувлар қайта тикланади.
Мунтазам Тошкент–Дубай–Тошкент йўналишидаги парвозлар БАА авиация маъмурияти билдиришномасига мувофиқ амалга оширилади.
Аввал бекор қилинган рейслар йўловчилари ўз авиа чипталарини авиакомпаниянинг исталган кейинги рейсларига бепул қайта расмийлаштиришлари мумкин.
Парвозлар жадвали:
HY333: Тошкентдан 07:15 да жўнаб, Дубайга 11:00 да қўнади.
HY334: Дубайдан 12:30 да жўнаб, Тошкентга 17:30 да қўнади.
Авиа чипталарни компания расмий сайти, мобил илова, Uzbekistan Airways Sales филиаллари ва агентликлар орқали харид қилиш мумкин. Парвозлар минтақадаги вазият, хавфсизлик талаблари ва халқаро стандартларга мос тарзда амалга оширилади.
Эслатиб ўтамиз, 10 мартдан Ўзбекистон–Саудия Арабистони ва Ўзбекистон–БАА йўналишларида йўловчи рейсларига қўйилган чекловлар бекор қилинган эди.
