“Афросиёб” поездлари Тошкент–Шаҳрисабз йўналишида қатнай бошлайди
27 мартдан бошлаб тезюрар поезд ҳафтанинг жума, шанба ва якшанба кунлари Тошкент–Шаҳрисабз–Тошкент йўналишида ҳаракатланади.
Ўзбекистонда юқори тезликда ҳаракатланувчи “Афросиёб” электропоездлари янги йўналишда қатновларни йўлга қўяди. Бу ҳақда Транспорт вазирлиги хабар берди.
Маълум қилинишича, 2026 йил 27 мартдан бошлаб поездлар ҳафтанинг жума, шанба ва якшанба кунлари Тошкент–Шаҳрисабз–Тошкент йўналишида ҳаракатланади.
Мазкур қатновлар йўловчилар учун қулайлик яратиш ҳамда ҳудудлар ўртасидаги транспорт алоқаларини яхшилаш мақсадида ташкил этилмоқда.
Жадвалга кўра, поезд Тошкентдан соат 06:33 да йўлга чиқади, Шаҳрисабздан эса 16:24 да ортга қайтади.
Чипталарни темирйўл кассалари ҳамда онлайн платформалар орқали харид қилиш мумкин.
