Қамчибек Ташиев сўроқ қилинмоқда
Ташиев икки жиноят иши бўйича гувоҳ сифатида терговга чақирилган.
Қирғиз Республикаси Миллий хавфсизлик давлат қўмитасини собиқ раиси Қамчибек Ташиев Ички ишлар вазирлигининг тергов хизматида сўроқ қилинмоқда. Бу ҳақда расмий манбаларга таяниб 24.кг хабар бермоқда.
24.kg нашрига кўра, Қамчибек Ташиев икки жиноят иши бўйича гувоҳ сифатида тезкор тергов тадбирларга чақирилган. У терговчи ҳузурига адвокати билан бирга кирган. Ҳозирча ҳолат юзасидан бошқа тафсилотлар очиқланмаган.
Бироқ Кактус.медиа манбалари Қамчибек Ташиев 19 март куни мамлакатга учиб келган заҳоти Ички ишлар вазирлигининг бош тергов бошқармасига олиб келинганини билдирган.
13 март куни Ташиевнинг укаси Шоирбек Ташиев ҳам Ички ишлар вазирлигига сўроққа чақирилган эди. Суҳбатдан сўнг у қўйиб юборилган.
14 март куни эса Шоирбек Ташиев депутатлик мандатини ихтиёрий равишда топшириш ҳақида ариза ёзган ва Марказий сайлов комиссияси унинг мандатини бекор қилган.
