АҚШ фуқароларини Саудия Арабистонини тарк этишга чақирди
Саудия Арабистони ҳаво майдони ҳозирча очиқлигича қолмоқда.
АҚШ элчихонаси Ар-Риёдда мамлакатдаги Саудия Арабистони ҳудудида бўлиб турган АҚШ фуқароларини имкони борича тезроқ мамлакатни тарк этишга чақирди.
Элчихона томонидан эълон қилинган баёнотга кўра, фуқароларга хавфсизлик шароити имкон берса, мамлакатни тижорат авиация рейслари орқали тарк этиш тавсия этилган.
Маълум қилинишича, Саудия Арабистони ҳаво ҳудуди ҳозирча очиқлигича қолмоқда. Бироқ минтақада ракета ва дрон ҳужумлари таҳдиди мавжудлиги сабабли айрим чекловлар тез-тез жорий этилиши мумкин.
Ар-Риёддаги АҚШ дипломатик ваколатхонаси ушбу тавсияни минтақадаги хавфсизлик вазияти кескинлашгани билан изоҳлади.
