Байрам арафасида барча ходимлар ишдан 1 соат эрта кетиши мумкин
Байрам арафасида узлуксиз ишлайдиган ёки махсус иш турларида ортиқча ишлаган ходимларга қўшимча иш ҳақи ёки дам олиш белгиланади.
Меҳнат кодексининг 187-моддасига биноан, байрам кунлари арафасида иш сменаси барча ходимлар учун камида 1 соатга қисқартирилади.
Шунга кўра, 20 март — Рамазон ҳайити дам олиш куни сифатида белгиланган. Демак, 19 март куни барча ходимлар қонуний равишда иш вақтини 1 соатга қисқартириб, уйларига вақтлироқ кетиш ҳуқуқига эга.
Эслатиб ўтамиз, байрамдан олдинги куни иш сменаси қисқартирилиши мумкин бўлмаган узлуксиз ишлайдиган ташкилотлар ва айрим турдаги ишлар учун ортиқча ишлаганлик компенсацияси ходимга қўшимча дам олиш вақти бериш ёки ходимнинг розилиги билан иш вақтидан ташқари иш учун белгиланган меҳнат ҳақи орқали таъминланади.
