Элликқалъада Солиқ қарзи сабаб “ISUZU” сотилиб кетди
Маълум бўлишича, қарздор МЧЖнинг солиқдан 1 млрд қарзи бўлган.
Мажбурий ижро бюроси Элликқалъа туман бўлими иш юритувида қарздор "BOSTON MEGA TEKSTIL" МЧЖдан жами 1 млрд сўмдан ортиқ солиқ қарздорлигини ундириш ҳақидаги Қорақалпоғистон Республикаси Солиқ бошқармасининг қарори мавжуд.
Бўлим давлат ижрочиси томонидан қарздорга ушбу қарор ижросини таъминлаш учун 15 кунлик ихтиёрий муддат берилиб, суд қарорининг ижросини таъминламаслик оқибатлари тушунтирилган.
Шунга қарамасдан, қарздор томонидан ижро ҳужжати талаби ихтиёрий равишда бажарилмаганлиги сабабли, қарздорнинг банк ҳисоб рақамига инкассо қўйилган ва унга тегишли 1 та кўчмас мулк ва “ISUZU” русумли автомашина тегишли тартибда хатловга олиниб, уларни сотишга қаратилган ишлар олиб борилган.
Жорий йилнинг ўтказилган аукцион савдоларида “ISUZU” русумли автомашинаси 120 млн сўмга сотилиб, сотувдан тушган пул маблағлари қарздорнинг давлат бюджети олдидаги қарздорлигини қоплашга йўналтирилди.
