ИИҚК Исроилдаги 80 та ҳарбий объектга ракета зарбалари йўллади

Эрон Ислом инқилоби қўриқчилари корпуси (ИИҚК) Исроилдаги 80 та ҳарбий нишонга ракета зарбаларини йўналтирганини маълум қилди. Бу ҳақда РИА Новости хабар бермоқда.

 

Маълум қилинишича, “Ҳақиқий ваъданинг 4-босқичи” номли зарбаларнинг 63- тўлқини доирасида Исроилнинг жанубий ва марказий ҳудудларидаги, жумладан, Ришон-ле-Сион шаҳрига яқин жойлашган, шунингдек, Тел-Авивнинг шарқий ва жанубий ҳудудларидаги ҳарбий объектлар ракета тизимлари ва дронлар орқали аниқ нишонга олинган.

 

Тун давомида ҳам  ИИҚК Кувайт, БАА ва Баҳрайндаги АҚШ базаларига ҳам ҳужум қилган.

 

Бундан ташқари Эрон Саудия Арабистони ва Қатардаги нефть-газ инфратузилмасига кучли зарбалар берди.

 

Зарбалардан бири дунёдаги энг йирик суюлтирилган табиий газ марказларидан бири ҳисобланувчи Қатарнинг Рас-Лаффан портига берилган.

 

Саудия Арабистони ҳам Ар-Риёд томон учирилган тўртта баллистик ракета ва шаҳарнинг шарқидаги газ иншоотига йўналтирикган дрон тўхтатиб, йўқ қилганини айтди.

 

Шунингдек, аввалроқ Исроил дунёдаги энг йирик газ ресурсининг бир қисми ва Эрон энергия таъминотининг устунларидан бири бўлган мамлакатдаги Жанубий Парс табиий газ конига ҳужум қилган.

 

Қўшма Штатлар президенти Доналд Трамп мазкур ҳужум келишилмаганини айтиб, Исроилнинг қайта ушбу конга зарба бермаслигини билдирди.

 

“Эрон Қатарга ҳужум қилишга қарор қилмаса, Исроил томонидан ушбу ўта муҳим ва қимматли Жанубий Парс конига бошқа ҳужумлар қилинмайди”, — деди Трамп.

 

Аввалроқ Эрон Али Ларижонийнинг олдирилганига жавобан Исроилга зарбаларнинг 61-тўлқинини йўллаган эди.