Пентагон Эронга қарши уруш учун 200 миллиард доллардан ортиқ маблағ сўрамоқда

АҚШ Мудофаа вазирлиги Эрон билан урушни молиялаштириш мақсадида Оқ уйга 200 миллиард доллардан ортиқ қўшимча бюджет пакетини Конгрессга тасдиқлашни сўраб топширди. Бу ҳақда Washington Post хабар берди.

 

Маълум қилинишича, таклиф қилинган маблағ ҳозирги ҳаво ҳужумлари харажатларидан анча юқори бўлиб, урушда ишлатиладиган муҳим қуроллар ишлаб чиқарилишини оширишга қаратилган. Сўнгги уч ҳафта давомида АҚШ ва Исроил кучлари минглаб нишонларга зарба бергани сабабли ўқ-дори захираси сезиларли камайган.

 

Нашр билан суҳбатлашган айрим америкалик амалдорлар Пентагоннинг бундай сўрови Конгрессда тасдиқланиш учун реал имкониятларга эга эмаслигини таъкидлаган. 

 

Washington Post'га таяниб хабар берган TRTWorld ушбу сўров Конгрессда сиёсий баҳсларга сабаб бўлиши мумкинлиги ҳақида ёзган.

 

"Демократлар урушни танқид қилмоқда, республикачилар қўшимча молиялаштиришни қўллаб-қувватланмоқда", дейилади хабарда.

 

Ҳатто урушдан олдин ҳам Трамп мудофаа бюджети учун  1,5 триллион доллар ажратишни таклиф қилган, бу эса Оқ уйнинг Бошқарув ва бюджет идораси ичида эътирозларга сабаб бўлганди.

 

Шунингдек, Эрон уруши учун дастлабки олти кундаёқ 11 миллиард доллар харажат қилинган эди.