Самарқандда МИБ орқали бува ва набира учраштирилди
Суд ҳужжатига мувофиқ, энди улар ҳар ойнинг биринчи ва учинчи якшанбаси кунлари ушрашади.
Фуқаролик ишлари бўйича Самарқанд шаҳар судининг ижро варақаси асосида бувига набираси билан учрашиш имконияти яратилди. Ижро ҳаракатлари Бюронинг Самарқанд шаҳар бўлими давлат ижрочилари томонидан таъминланди.
2025 йил 21 сентябрда берилган ижро варақасига кўра, вояга етмаган Р.М.ни буви билан ҳар ойнинг биринчи ва учинчи якшанбаси кунлари учраштириш белгиланган.
Мазкур ижро ҳужжати Бюронинг Самарқанд шаҳар бўлими иш юритувига келиб тушгач, давлат ижрочиси томонидан қарздор С.М.га суд ҳужжатини бажариш мажбурияти ҳамда уни ижро этмасликнинг ҳуқуқий оқибатлари тушунтирилди.
Олиб борилган тушунтириш ишларидан сўнг давлат ижрочиси иштирокида буви набираси билан суд ҳужжатида белгиланган тартибда соат 10:00 дан 16:00 га қадар учрашди.
Эндиликда буви суд ҳужжатига мувофиқ ҳар ойнинг биринчи ва учинчи якшанбаси кунлари набираси билан мунтазам учрашиб, унинг тарбиясида иштирок этиш имкониятига эга.
