Туркияда Ўзбекистонлик аёлга жинсий тажовуз қилган икки йигит қамоққа олинди

Туркиянинг Бодрум шаҳрида ҳуқуқни муҳофаза қилиш органлари 36 ёшли Ўзбекистон фуқаросини зўрлаш ва талончилик қилишда гумон қилинган икки кишини қўлга олди. Гумонланувчилар 24 ва 25 ёшли қурилиш ишчилари бўлиб, дастлабки тергов жараёнида уларнинг шахси ва жойлашуви аниқланган. Суд ҳибсга олиш илтимосномасини қондириб, эркаклар суд назорати остига олинди.

 

Ҳодиса Яликавак тумани Гөкчебел маҳалласида содир бўлган. Жабрланувчи йўл четида турганида, унга ёнга машина келиб тўхтаган ва Туркбўку маҳалласига олиб бориб қўйиши билдирилган. Йўлда ҳайдовчи йўналишни ўзгартириб, машинани қурилиш майдончаси томон ҳайдаган. Жабрланувчи бино ичига судраб олиб кирилган ва у ерда жисмоний зўравонлик ва жинсий тажовузга дучор бўлган.

 

Шунингдек, унинг сумкаси, нақд пули ва уй телефони ўғирланган.

 

Аёл жароҳатлари ва шок ҳолатига қарамай, яқин атрофдаги турар-жой биноларига етиб бориб, маҳаллий аҳолидан ёрдам сўраган.

 

Ҳозирда жабрланувчи Бодрум давлат касалхонасида тиббий ва психологик ёрдам олмоқда. Ҳодиса маҳаллий инсон ҳуқуқлари ташкилотлари томонидан назорат қилинаётган.