Урганчда истеъмолга яроқсиз маҳсулотлар йўқ қилинди
Шу тариқа 82 та ижро иши амалга якунланган.
Мажбурий ижро бюроси Урганч шаҳар бўлими иш юритувида бўлган жиноят ишлари бўйича судларнинг ижро ҳужжатларига асосан номувофиқ ва яроқсиз деб топилган товар моддий бойликларини йўқ қилиш бўйича тадбир ўтказилди.
Бюронинг Урганч шаҳар бўлими давлат ижрочилари томонидан 13.03.2026 йил кунига ижро ҳаракатлари тайинланиб, Урганч тумани ҳудудида жойлашган марказий чиқинди майдонида ўтказилган тадбирда Божхона қўмитасининг Хоразм вилояти бошқармаси, ИИБ, Урганч шаҳар санитария эпидемиология осойишталик маркази ва Урганч шаҳар атроф-муҳитни муҳофаза қилиш бошқармаси вакиллари иштирок этди.
Тадбир давомида 82 та ижро ишлари юзасидан 88 турдаги 2.340 дона капсула шаклидаги биологик актив қўшимчалар, 8 та уяли телефон апарати, 22 та алкоголь маҳсулотлари, 16 та рация ҳамда унга тегишли бўлган қувватлаш қурилмалари ва қулоқчинлар, 29 та лазерли нур тарқатгич аппарати, 21 та қути таблеткалар, 22 та қути тамаки маҳсулотлари ва ашёвий далил деб эътироф қилинган бошқа турдаги мол-мулклар синдириш ва каробкаларни йиртиб ташлаш йўли билан йўқ қилиниб, ижро ишлари амалда тамомланди.
