Барчангизга тинчлик, хайр-у барака ва фаровон ҳаёт тилайман — Саида Мирзиёева
Президент администрацияси раҳбари ўзбекистонликларни Наврўз билан табриклади.
Саида Мирзиёева Ўзбекистон халқини Наврўз байрами муносабати билан табриклади.
Табрикда Наврўз авлоддан-авлодга ўтиб келаётган, инсонлар қалбига нур, шодлик ва янгиланиш руҳини олиб кирадиган қутлуғ айём экани таъкидланган.
Шунингдек, ушбу байрам анъаналарга ҳурмат, она заминга меҳр, тинчлик, ҳамжиҳатлик ва яхши қўшничилик каби азалий қадриятларни ўзида мужассам этиши қайд этилган.
“Баҳор хонадонингизга бахт-саодат, тўкинлик ва ижобий ўзгаришлар олиб келсин. Яқинларингиз доимо ёнингизда бўлсин, қалбингиз умид, шукроналик ва меҳр-муҳаббатга тўлсин”, дейилади табрикда.
Табрик якунида Саида Мирзиёева барчага тинчлик, хайр-у барака ва фаровон ҳаёт ва байрам барчага қувонч ва хотиржамлик олиб келишини тилаган.
