“Қамчиқ” довонида юк машинаси ағдарилиб кетди
Ҳодиса натижасида автомобилга ортилган барча юк йўлнинг қатнов қисмига сочилиб кетган.
Тошкент вилояти, 22 март куни тахминан соат 11:30 ларда “Қамчиқ” довонида юк машинаси ҳайдовчиси бошқарувни йўқотиши оқибатида машина ён томонга ағдарилган. Бу ҳақда ФВВ хабар берди.
Маълум қилинишича, ҳодиса натижасида ҳеч ким жароҳат олмаган, аммо автомобилга ортилган барча юк йўлнинг қатнов қисмига сочилиб кетган.
Фавқулодда вазиятлар вазирлиги (ФВВ)нинг “Қамчиқ” махсус қидирув бошқармаси қутқарувчилари тезкорлик билан етиб келиб, ҳодиса оқибатларини бартараф этган.
Хабарга кўра, бундан бир кун олдин ҳам айни ҳудудда Spark русумли автомобиль йўлдан чиқиб, йўлнинг хандақ (кювет) қисмига тушиб кетган, ва бу ҳолатда ҳам ҳайдовчига қутқарув бўлинмалари ходимлари ёрдам кўрсатган.
