АҚШ ва Исроил Эроннинг ядровий объектларига берилган зарбалар учун товон тўлаши керак — Эрон ТИВ раҳбари
Аббос Ароқчи АҚШ-Исроил ҳужумлари халқаро ҳуқуқнинг мажбурий нормаларини бузганини таъкидламоқда.
Эрон Ташқи ишлар вазири Аббос Ароқчи Бирлашган Миллатлар Ташкилотини АҚШ ва Исроилни мамлакат ядровий объектларига қилган ҳужумлари учун тўлиқ компенсация тўлашга мажбур қилишга чақирди. Бу ҳақда Mehr агентлиги хабар берди.
Қайд этилишича, вазир якшанба куни БМТ Бош котиби ва Хавфсизлик Кенгаши аъзоларига йўллаган мактубида Натанздаги ва Бушеҳр ядровий объектларига қилинган ҳужумларни уруш жинояти ва халқаро тинчликка қарши тажовуз деб атаган ҳамда Эроннинг етказилган зарар учун тўлиқ қопланишини талаб қилган.
Ароқчи АҚШ-Исроил ҳужумлари БМТ низоми, Халқаро атом энергетияси агентлиги низоми ва халқаро ҳуқуқнинг мажбурий нормаларини бузганини таъкидламоқда. Вазир шунингдек, Исроилни Ядро қуролларини тарқатмаслик шартномасига қўшилишига ва оммавий вайрон қилувчи қуролларни тақиқловчи халқаро шартномаларга риоя қилишга чақирди.
Хабарга кўра, мактуб Эрон ядровий объектларининг бир қисми ҳужумга учрагани эълон қилинган кундан кейин юборилган. Эрон бир неча марта АҚШ ва Исроилнинг ядровий объектларига қилган ҳужумларини қоралаб, уларнинг Теҳроннинг ядровий қуроллар ишлаб чиқаришга уринишларига қарши эканлигини таъкидлаган.
Меҳр агентлиги кўплаб БМТ ҳисоботлари эса Эроннинг ядровий фаолияти тинч мақсадга йўналтирилганлигини ва халқаро меъёр ва стандартларга мослигини тасдиқлаётганини ёзмоқда.
