"Эрон билан Яқин Шарқда урушни тўхтатиш бўйича музокара ўтказилди" — Доналд Трамп
Трамп мазкур музокаралар ҳақида маълумот берганидан сўнг нефть ва газ нархларида ўзгариш юз берди.
АҚШ президенти Доналд Трумп АҚШ ва Эрон Яқин Шарқда тўлиқ ва умумий низоларни ҳал этиш бўйича музокаралар ўтказганини маълум қилди.
"Мудофаа вазирлигига Эрон электр станциялари ва энергетика инфратузилмасига ҳар қандай ҳарбий зарбаларни беш кунга кечиктиришни буюрдим," — деб ёзган Трамп.
Унинг сўзларига кўра, бу қарор АҚШ ва Эрон раҳбарияти ўртасидаги музокаралар натижасида қабул қилинган.
Шанба кечаси Трумп Эронга Ҳормуз бўғозини 48 соат ичида очишни талаб қилган, акс ҳолда АҚШ қувват станцияларини “биринчи навбатда энг каттасидан бошлаб йўқ қилиши”ни билдирган эди.
Аввалроқ, Буюк Британия бош вазири Кир Стармер ва АҚШ президенти Доналд Трамп якшанба куни кечқурун бўлиб ўтган телефон қўнғироғида Ҳормуз бўғозини очиш глобал юк ташишни тиклаш учун “зарур” эканини таъкидлаган. Қўнғироқ 20 дақиқа давом этиб, “конструктив” бўлган, дея маълум қилган Даунинг-стрит.
BBC хабарига кўра, Трамп мазкур музокаралар ҳақида маълумот берганидан сўнг нефть ва газ нархларида ўзгариш юз берди.
Brent нефти баррелига тахминан 13 фоизга тушиб, 96 долларга етди. FTSE 100 индекси олдин 2 фоизга пасайган бўлса, ҳозир 0,5 фоизга ўсди.
Шунингдек, газ нархи 159 пенсдан 139 пенсга тушди. 10 йиллик Буюк Британия давлат облигациялари даромади олдин 5,121 фоизга кўтарилган бўлса, ҳозир 4,89 фоизга тушди.
