Тошкентдаги Мингбулоқ кўчасининг бир қисми ёпилади
24 мартдан 31 мартга қадар Мирзо Улуғбек туманидаги Мингбулоқ ва Шукур Бурхонов кўчаларида ер ости кабель тармоқларини тортиш ишлари олиб борилади.
Электр таъминотини яхшилаш мақсадида 24 мартдан 31 мартга қадар Мирзо Улуғбек туманидаги Мингбулоқ ва Шукур Бурхонов кўчаларида ер ости кабель тармоқларини тортиш ишлари олиб борилади. Бу ҳақда Мирзо Улуғбек тумани ҳокимлиги матбуот хизмати хабар берди.
Шу муносабат билан Мингбулоқ кўчасининг Хамроева кўчасидан кириш қисми вақтинча ёпилади. Автоуловлар йўлнинг иккинчи бўлагидан қарама-қарши йўналишда ҳаракатланади.
Шунингдек, Дўрмон йўли кўчасидан Мингбулоқ кўчасига ҳаракат қилиш мумкин бўлади. Мингбулоқ кўчасидан Шукур Бурхонов кўчасига ҳаракат вақтинча чекланади.
