Эронга қарши уруш Ироқдан ҳам каттароқ стратегик хато — АҚШнинг НАТO'даги собиқ элчиси
Собиқ амалдор Вашингтоннинг энг муҳим иттифоқчиларидан баъзилари заифлашганини билдирди.
Вашингтоннинг НАТО'даги собиқ элчиси Эронни нишонга олиш АҚШ учун Ироқ урушидан ҳам ёмонроқ стратегик “хато” бўлиб, унинг оқибатлари узоқ муддат давом этишини билдирди.
Барак Обаманинг президентлик даврида хизмат қилган элчи Иво Даалдернинг айтишича, ҳозирда Яқин Шарқда давом этаётган ҳарбий ҳаракатлар аллақачон глобал иқтисодиётга таъсир қилган, Вашингтоннинг энг муҳим иттифоқчиларидан баъзилари заифлашган ва Россия ҳамда Хитойнинг узоқ муддатли имкониятлари ошган.
“Буларнинг барчаси фақат уч ҳафта ичида юз берди”, — дея қўшимча қилган собиқ элчи.
Бошқа бир собиқ юқори мартабали АҚШ генерали эса Теҳрон Ҳўрмуз бўғози устидан назоратни кучайтираётгани сабабли Трамп маъмуриятининг кампанияси қийинчиликка дуч келишини маълум қилди.
