Можтабо Хоманий АҚШ билан музокараларга рози бўлди
Аббос Ароқчи ядровий дастур ва баллистик ракеталарни сақлаб қолган ҳолда, Россияга бойитилган уран экспортини муҳокама қилишга тайyorлигини билдирди.
Эрон ташқи ишлар вазири Аббос Ароқчининг маълум қилишича, Можтабо Хоманий Вашингтон билан бевосита музокараларни маъқуллаган. Бу ҳақда Исроилнинг Ynet нашри хабар берди.
Телефон орқали бўлган суҳбат давомида Ароқчи уруштни тезда тугатишга тайёрлигини билдирган, аммо бу фақат Теҳрон томонидан белгиланган шартлар бажарилганда амалга ошади. Шу билан бирга, Эрон ядровий дастури ва баллистик ракеталардан бутунлай воз кечишга тайёр эмас, лекин Россияга бойитилган уран экспортини муҳокама қилишга тайёрлигини маълум қилган.
23 март куни Дональд Трамп Вашингтон ва Теҳрон ўртасидаги музокараларни “жуда самарали” деб баҳолаган. У Пентагонга Эроннинг электр стансиялари ва энергетика инфратузилмасига зарбаларни беш кунга кечиктиришни буюрган эди. Бу вақт давомида музокаралар олиб борилади.
Axios хабарига кўра, Туркия, Миср ва Покистон Вашингтон ва Теҳрон ўртасидаги музокараларда воситачилик қилмоқда. Ушбу уч давлат икки кун давомида алоҳида музокаралар олиб бориб, томонларга хабар алмашишда ёрдам беришган.
