Эрон АҚШга қарши бешта шарт қўйди

АҚШ ва Эрон ўртасида тинчлик таклифлари алмашилди. Теҳрон Америка ташаббусини рад этди ва урушни фақат ўз шартлари асосида якунлашни талаб қилмоқда. Бу ҳақда Эроннинг PressTV телеканали расмий манбага таяниб хабар берди.

 

PressTV маълумотларига кўра, Эроннинг тинчлик бўйича бешта асосий шарти қуйидагилардан иборат:

Тажовуз ва қатилликнинг тўлиқ тўхтатилиши – душман томонидан ҳар қандай ҳарбий ёки қуролли ҳаракатлар дарҳол тўхтатилиши лозим.

 

Урушнинг қайта бошланмаслигини таъминлаш механизмлари – Эрон ҳудудида ёки атрофдаги минтақавий ҳудудларда уруш қайта бошланмаслиги учун аниқ ва кафолатланган механизмлар жорий этилиши керак.

 

Компенсация ва репарациялар – уруш натижасида етказилган зарарлар учун молиявий тўловлар ва репарациялар белгиланган тартибда кафолатланиши лозим.

 

Минтақадаги барча жабҳаларда урушнинг тугатилиши – Эрон ва унга қарши ҳаракат қилган барча гуруҳлар, шу жумладан минтақавий қаршилик ва ҳарбий шаклланишлар, тинчлик шартларига риоя қилиши зарур.

 

Ҳормуз бўғози устидан суверенитетни халқаро миқёсда тан олиш – Эроннинг ушбу стратегик ҳудуддаги ҳокимияти халқаро миқёсда тан олиниши ва кафолатланиши лозим.

 

Эрон расмийси таъкидлашича, ушбу шартлар Женевадаги музокараларнинг иккинчи босқичида илгари сурилган талабларни тўлдириб, уларнинг бажарилиши тинчлик музокараларини давом эттиришнинг асосий шарти ҳисобланади. Шартлар бажарилмагунча, Эрон музокараларни бошлашни режалаштирмаяпти.

 

Шунингдек, Теҳрон урушни ўз шартлари бажарилганда якунлайди ва мудофаа операцияларини давом эттиришга қатъиятли эканлигини маълум қилди. Расмийлар Эроннинг душман томон талабларини бажарилмагунча унга оғир зарбалар бериш имкониятини сақлаб қолишини таъкидлади.

 

PressTV манбаларга кўра, АҚШ президенти Donald Tramp уруш тугаш вақтни белгилашга йўл қўймаслиги Эрон томонидан қатъий таъкидланган.