Германиядаги яҳудийлар мамлакат президентининг Эрон уруши бўйича позициясини танқид қилди
Улар мазкур уруш эронликларга террор ва зулмнинг тугашига умид беришини айтган.
Германиядаги Яҳудийлар марказий кенгаши мамлакат президенти Франк-Валтер Штайнмаерни “АҚШ ва Исроилнинг Эронга қарши уруши халқаро ҳуқуқни бузади ва бу сиёсий жиҳатдан ҳалокатли хато” деган баёноти учун танқид қилди.
“Кимки оятуллоҳ режимига қарши урушни осонгина ъхалқаро ҳуқуқ бузилишиъ деб атаса, тарихни инкор этади”, — деди кенгаш раиси Ёзеф Шустер DPA агентлигига берган интервьюсида.
Шустернинг таъкидлашича, 1979 йилдан буён Исроилни йўқ қилиш Эрон давлат доктринасининг бир қисми ҳисобланади. Шустер шунингдек, Эронга қарши уруш эронликлар учун 47 йил давом этган террор ва зулм тугашига умид беришини айтган.
У қўшимча қилиб, Германия сиёсатчиларидан Эрон режимидан азият чекаётганларга нисбатан ҳамдардлик изҳор қиливчи баёнотлар эшитишни исташини билдирган.
Аввалроқ Берлинда Германия Ташқи ишлар вазирлигининг 75 йиллигига бағишланган тадбирда Штайнмаер Эронга қарши бўйича ҳарбий ҳаракатни танқид қилиб, уни “халқаро ҳуқуққа зид” ва “олдини олиш мумкин бўлган” деб атаган эди.
Шу билан бирга Эрон Ташқи ишлар вазири Аббос Ароқчи Германия президентини “эронликларга қарши ҳуқуқбузарликларни қоралагани учун эътирофга лойиқ” деб баҳолаган.
