АҚШ тез орада Эронда қуруқлик амалиётини бошлайди — The Wall Street Journal
АҚШ Эрон яқинига қўшимча минглаб денгиз пиёдалари ва десантчиларини юбормоқда.
Американинг яқин орада Эрон ҳудудида қуруқлик амалиёти ўтказиши режалаштирилмоқда. Бу ҳақда The Wall Street журналисти АҚШ Сенати ичидаги учта манбага таяниб маълум қилган.
“Камида уч нафар республикачи конгрессмен, жумладан Вакиллар палатаси ва Сенат Қуролли кучлари раҳбарлари, Эрон ҳудудида қуруқлик амалиёти режалаштирилаётгани ва бу яқин келажакда бошланиши мумкинлигини қатъий билдирди”, — деб ёзди журналист.
Сўнгги кунларда АҚШ Эрон яқинидаги ҳудудга қўшимча минглаб денгиз пиёда ва десант аскарларни юбориб, қуруқлик кучларини жамламоқда.
Маълумотларга кўра, ушбу ҳафта минглаб денгиз пиёдалари билан ҳарбий кема АҚШнинг Марказий қўмондонлиги назорати остига ўтади. Бу қўмондонлик АҚШ кучларини Яқин Шарқда бошқаради.
Шунингдек, Пентагон тезкор ҳаракат қиладиган десантчиларни тайёрлашни бошлади. Ушбу кучлар, олдинроқ “Эпик Ғазаб” операцияси доирасида бу ҳудудга юборилган 50 000 нафар ҳарбий хизматчига қўшилиши мумкин.
Ҳозирда АҚШнинг қуруқлик амалиёти ҳақидаги баёнотлари ортидан Теҳрон Эроннинг асосий нефть маркази бўлган Харг оролини мудофаа қилишни кучайтирмоқда. Ушбу орол аввал АҚШ томонидан ҳужумга учраган эди.
