АҚШ банкнотларида Доналд Трампнинг имзоси туширилади
Бу Америка тарихида амалдаги президентнинг имзоси миллий валютада пайдо бўладиган илк ҳолат ҳисобланади.
АҚШ Молия вазирлиги 2026 йил июндан бошлаб АҚШ қоғоз пулларида президент Доналд Трампнинг имзоси акс этишини маълум қилди.
Бу Америка тарихида амалдаги президентнинг имзоси миллий валютада пайдо бўладиган илк ҳолат ҳисобланади.
Трампнинг имзоси молия вазири Скотт Бессентнинг имзоси билан ёнма-ён жойлаштирилади. Ғазначилик департаментининг хабар қилишича, ушбу қарор АҚШ мустақиллигининг 250 йиллиги муносабати билан қабул қилинган.
Дастлабки эскизлар бўйича, Трамп ва Бессентнинг имзолари туширилган 100 долларлик купюралар июнь ойида чиқарилади. Кейинги ойларда эса бошқа номиналлар ҳам муомалага киритилади. Янги банкнотларнинг банклар орқали кенг муомалага кириши бир неча ҳафта давомида амалга оширилиши мумкин.
Молия вазирлиги расмийларига кўра, банкнотларнинг умумий дизайни ўзгармайди, фақат молия вазири имзоси ўрнига Трампнинг имзоси қўйилади. Шунингдек, сўнгги 165 йил ичида биринчи марта молия вазири имзоси пулдан олиб ташланади.
Ҳозирда собиқ президент Жо Байден давридаги молия вазири Жанет Елен ва собиқ молия вазир Лин Малерба имзолари туширилган банкнотлар чиқарилмоқда.
Бу ўзгариш Трамп маъмурияти ва унинг иттифоқчилари томонидан президент исмини турли давлат бинолари, муассасалар, дастурлар ва тангаларга киритиш борасидаги навбатдаги қадам сифатида қаралмоқда.
