АҚШга борган Россия депутатларига Трамп тасвири туширилган пайпоқлар совға қилинди
Ташриф АҚШ Конгресси аъзоси Анна Паулина Лунанинг таклифига биноан амалга оширилмоқда.
Россия парламент делегацияси ва АҚШ конгресси аъзолари ўзаро рамзий совғалар алмашди. Бу ҳақда ТАСС агентлиги хабар бермоқда.
Маълум қилинишича, совғалар қаторида АҚШ президенти Доналд Трампнинг тасвири туширилган пайпоқлар ҳамда совет-америка космик дастури “Союз – Аполлон”га бағишланган эсдалик откриткаси ҳам бўлган.
Россия Думаси делегацияси аъзоси, иқтисодий сиёсат бўйича комитет раиси ўринбосари Михайил Делягининг сўзларига кўра, дастлаб АҚШ томони совға берилишини рад қилишни сўраган. Бироқ делегация келганида бу қарор ўзгарган ва АҚШ конгрессменлари Трамп тасвири туширилган пайпоқлар ҳамда конгрессмен Анна Паулина Луниянинг шахсий жетонини совға қилишган.
"Биз элчихонадан камтарона совғаларни (этикага мувофиқ) тақдим этдик, шунингдек, спикер ўринбосари Борис Чернишев америкаликларни хурсанд қилган Союз-Аполлон рейси иштирокчилари томонидан имзоланган откриткани тақдим этди", — дея таъкидлади агентлик манбаси.
Ташриф АҚШ Конгресси аъзоси Анна Паулина Лунанинг таклифига биноан амалга оширилмоқда. Депутатлар америкалик қонун чиқарувчилар билан мулоқот олиб боради.
