Бухорода экология учун курашаётган ёшлар бирлашди

Бухорода “Сиз экологияга оид қонунларни биласизми?” республика кўрик-танловининг финал босқичи бўлиб ўтди. Тадбир иштирокчилари аввало “Боқий Бухоро” ҳайкали пойига гул қўйиб, ўтмиш, бугун ва келажак ўртасидаги узвий боғлиқликни рамзий ифода этдилар. Бу жараён шунчаки маросим эмас, балки табиатга ҳурмат, келажакка масъулият тимсоли бўлди.

 

 

Очилиш маросимида янграган фикрлар бугунги куннинг энг долзарб ҳақиқатини яна бир бор йодга солди: “Бугунги кунда экологик хавфсизлик ва бар ривожланиш масалалари давлат сиёсати даражасига кўтарилди”.

 

Дарҳақиқат, атроф- асраш эндиликда фақат бир соҳа ёки ташкилот вазифаси эмас — бу умумхалқ масъулиятига айланган. Янгиланган Конституцияда ҳам бу масала алоҳида ўрин эгаллаб, ҳар бир фуқаронинг соғлом ва қулай муҳитда яшаш ҳуқуқи кафолатланди.

 

Танловда республиканинг барча ҳудудларидан келган жамоалар 4 йўналишда ўз иқтидорларини синовдан ўтказди.

 

“Бу бизнинг ҳудуд” шарти орқали иштирокчилар ўз юртининг экологик ҳолатини юракдан ҳис этиб, муаммолар ва ечимларни саҳнага олиб чиқди. Бу чиқишларда нафақат маълумот, балки ватанпарварлик ва дахлдорлик ҳисси сезилди.

 

 

“Интеллектуал ринг” эса ҳақиқий билимлар майдонига айланди. Қисқа вақт ичида берилган саволларга жавоб берар экан, ёшлар нафақат билимини, балки тезкор фикрлаш ва жамоавий уйғунликни ҳам намоён этдилар.

 

“Экология учун барчамиз масъулмиз!” саҳна кўринишлари эса томошабинларни бефарқ қолдирмади. Чиқиндилар муаммоси, иқлим ўзгариши, сув танқислиги — буларнинг барчаси саҳнада жонланди. Ҳар бир чиқиш бир саволни ўртага ташлади: биз табиат учун нима қиляпмиз?

 

 

Энг кутилган босқичлардан бири — “Энг яхши экологик лойиҳа” эса ёшларнинг келажакка қараган аниқ қадамларини кўрсатди. Инновацион ғоялар, амалий таклифлар ва ташаббуслар бу танловни оддий мусобақадан ҳақиқий ғоялар платформасига айлантирди.

 

Тадбир якунида кучлилар сараланди.

 

— 1-ўринни Навоий вилоятининг "Ecoline" жамоаси;

 

— 2-ўринни Қорақалпоғистон Республикаси "Қоратол" жамоаси;

 

— 3-ўринни Тошкент вилоятининг "Замин" жамоаси  қўлга киритди.

 

Бироқ бу танловда фақат ғолиблар эмас, балки ҳар бир иштирокчи ютди. Шу билан бирга ҳар бир вилоят ўзига хос номинациялар билан тақдирланди.