АҚШ бўйлаб Трампга қарши намойишлар ўтказилади

АҚШ бўйлаб президент Доналд Трамп ва унинг маъмуриятига қарши “No Kings” (“Қиролларга йўқ”) намойишлари ўтказилади. Бу ҳақда Reuters хабар бермоқда.

 

Ташкилотчиларнинг маълумотига кўра, барча 50 та штатда 3,200 дан ортиқ намойишлар режалаштирилган бўлиб, бу тарихдаги энг йирик бир кунлик тинч намойиш бўлиши мумкин.

 

Асосий митинглар Нью-Йорк, Лос-Анжелес, Вашингтон ва Миннесота штатининг Миннеаполис- Сент Пол ҳудудида ўтказилади, аммо иштирокчиларнинг учдан икки қисми йирик шаҳар марказларидан ташқаридан келиши кутилмоқда. Indivisible гуруҳи раҳбари Лиҳ Гринбергнинг сўзларига кўра, ҳаракатнинг муваффақияти фақат иштирокчилар сонида эмас, балки улар қаерда намойиш қилаётганида ҳам намоён бўлади. Чунки Айдаҳо, Ваёминг, Монтана ва Юта каби республикачи штатларда тадбирларни ташкил қилаётган ва иштирок этишга рўйхатдан ўтган одамлар сони ошган.

 

Намойишлар АҚШ ва Исроил томонидан Эронни бомбардимон қилишга қарши чақириқ сифатида ўтказилмоқда. 

 

ACLU раҳбари Дирдре Шифелингнинг айтишича, президент Трампнинг ҳокимиятни суиистеъмол қилишига қарши намойишлар амалда натижа беради ва уларни орқага чекинишга мажбур қилади.

 

Оқ уй вакили Эбигейл Жексон эса митингларни “Трампни ёқтирмайдиганлар”нинг асабий реакцияси деб атаб, фақат журналистлар учун қизиқ эканини билдирди.